سٹی42:بارش میں بہترین ڈیوٹی پر تعریفی اسناد ، سی ٹی او لاہور عمارہ اطہر نے شہر کے مختلف مقامات کے مسلسل دورے کیے جہاں انھوں نے خود کھڑے ہو کر نکاسی آب اور ٹریفک کی روانی کا جائزہ لیا۔
مون سون کی انٹری ہوتے ہی شہر کے مختلف مقامات پر بادل برس پڑے اور شدید بارش کے باعث مختلف علاقوں ، سڑکوں پر پانی کھڑا ہو گیا ہے۔
سی ٹی او لاہور عمارہ اطہر کی جانب سے وحدت روڈ ، مین بلیوارڈ روڈ ، ملتان روڈ ، لوئر مال روڈ کا وزٹ کیا گیا جہاں انھوں نے بارش میں بہترین ڈیوٹی دینے والے متعدد اہلکاروں کو تعریفی اسناد کا اعلان کیا اور ہفتے کی شام ہونے والی بارش کے دوران ڈیوٹی کرنے والے تمام اہلکاروں کو بھی تعریفی اسناد سے نوازا گیا۔