گلبرگ (زین مدنی) بچوں کے لیے بڑی خوشخبری، شہرہ آفاق ڈرامہ عینک والا جن کا پارٹ ٹو 'ریٹرن آف نستور' کے نام سے سب ٹی وی پر نشر کیا جارہا ہے۔
نوے کی دہائی میں عینک والا جن ڈرامہ بچوں کا مقبول ترین ڈرامہ ہوتا تھا اور آج کے دور میں بھی اگر بچوں کو وہ ڈرامہ دکھایا جاتا ہے تو ویسے ہی مقبول ہوجاتا ہے، اسی لئے اب اس ڈرامے کا نیا ورژن نستور جن کی واپسی کے ٹائٹل سے آرہا ہے جسے فلم انڈسٹری کے نامور ہدایتکار سید فیصل بخاری نے بنایا ہے اور اس ڈرامے میں بھی بچوں کی اصلاح کے لئے مختلف موضوعات ہوں گے۔
ڈرامے میں حامون جادوگر، نستور جن، زکوٹاجن، بل بتوڑی سمیت بہت سے ایسے کردار شامل ہیں جو عینک والا جن میں بھی شامل تھے، ڈرامے سب ٹی وی پر نشر کیا جارہا ہے۔
سوشل میڈیا پر جینیفر نامی صارف نے اپنا تبصرہ پیش کرتے ہوئے لکھا کہ یہ ڈرامہ بہت عرصے سے بنا ہوا تھا لیکن کوئی ٹی وی چینل اسے نشر نہیں کررہا تھا، میرا دِل بہت دکھتا تھا،لآخرسب ٹی وی نے یہ کام کر دکھایا شکریہ سب ٹی وی۔۔
نوے کی دہائی میں سرکاری ٹی وی پر نشر ہونے والے ڈرامے عینک والا جن میں زکوٹاکا بچوں میں مشہور ہونے والا ڈائیلاگ ’’مجھے کام بتاؤ میں کیا کروں میں کس کو کھاؤں‘‘ تھا، 17 فروری 2018 کو زکوٹا کا کردار نبھانے والے مطلوب عبدالرحمان انتقال کرگئے تھے، سال 2017 میں اسی ڈرامہ میں بل بتوڑی کا مرکزی کردار نبھانے والی اداکارہ ’نصرت آرا بیگم‘ بھی کسمپرسی کی زندگی گزارنے کے بعد انتقال کر گئی تھیں۔
عینک والا جن ڈرامہ دیکھنے کیلئے لنک پر کلک کریں