ویب ڈیسک: اداکارہ نیلم منیر اپنی شادی کی خبروں پر خاموشی توڑتے ہوئے جلدی شادی نہ کرنے کا ارادہ ظاہر کردیا۔
تفصیلات کےمطابق پاکستان ڈرامہ اور فلم انڈسٹری کی خوبرو اداکارہ نیلم منیر کی شادی کے حوالے سے گزشتہ کئی ماہ سے خبریں گردش کررہی ہیں کہ وہ رواں سال کے آخری ماہ شادی کے بندھن میں بندھ جائیں گی، اس پر اب اداکارہ نے خاموشی توڑتے اپنی شادی کے بارے بتایا۔
حال ہی میں یہ خبریں سامنے آئی تھیں کہ نیلم رواں ماہ دسمبر میں رشتہ ازدواج میں منسلک ہونے والی ہیں جس کی تقریبات متحدہ عرب امارات میں ہوگا۔
تاہم حال ہی میں ایک پوڈ کاسٹ میں جب نیلم سے سوال کیا گیا تو ان کی شادی سے متعلق پھیلی تمام افواہیں غلط ثابت ہوگئیں۔
میزبان نے ذاتی سوال کرتے ہوئے پوچھا کہ کافی لوگ مجھ سے پوچھتے ہیں کہ نیلم منیر شادی کب کرنے والی ہیں تو آپ کا کوئی ارادہ ہے کسی کو ڈھونڈنے کا یا کوئی ہے زندگی میں جس سے شادی ہونے والی ہے؟
جس کے جواب میں نیلم نے کہا کہ 'ابھی ( شادی کا) فی الحال کوئی پلان نہیں ہے، تو دیکھتے ہیں تاہم انہوں نے اس بات کی وضاحت نہیں کی کہ ان کی زندگی میں کوئی ہے یا نہیں'۔