( زین مدنی ) گلوکارہ صومیہ خان کا نیا گانا ”خطا“ ریلیز کردیا گیا، گانے کی ویڈیو دوبئی میں تیار کی گئی۔
معروف گلوکارہ صومیہ خان کا نیا گانا ”خطا“ ریلیز کردیا گیا ہے۔ گانے کو ٹی پی گولڈ پروڈکشن کمپنی نے گزشتہ روز دنیا بھر میں ریلیز کیا۔ گانے کی شاعری اور کمپوزیشن حیدر ذوالقرنین نے ترتیب دی ہے۔ گانے کی ویڈیو دوبئی میں شوٹ کی گئی ہے، جس میں ماڈل ڈاریا اور سلطان نے پرفارم کیا ہے۔
گانے کو سٹار ایس کے ایس کمپنی نے پروڈیوس کیا ہے جبکہ گلوکارہ صومیہ خان نے بھی گانے میں ماڈلنگ کی ہے۔ گانے کی ریلیز پر صومیہ خان کا کہنا ہے کہ ان کے ماضی کے تمام گانوں کی طرح یہ گانا بھی سامعین کو بے حد پسند آئے گا۔