(زین مدنی) لیجنڈ اداکار فردوس جمال اوراداکارہ فضاعلی کی ایک ویڈیو سوشل میڈیا پر وائرل ہورہی ہے جس میں دونوں بالی وڈ فلم کے گانے پر پرفارمنس دیتے نظر آرہے ہیں۔
اداکارہ فضا علی نے انسٹاگرام پر ایک ویڈیو شیئر کی ہے جس میں وہ اور پاکستان کے سینئر اداکار فردوس جمال بالی وڈ اداکار راج کپور اورنرگس کی فلم چوری چوری کے مقبول گیت آجا صنم مدھر چاندنی میں ہم تم پر پرفارمنس دیتے نظر آرہے ہیں۔
ویڈیو میں فردوس جمال کے چہرے کے تاثرات انتہائی کمال کے ہیں جبکہ وہ فضا علی کے ساتھ اس گانے پر پرفارمنس دیتے ہوئے کافی خوش بھی نظر آئے۔
فضاعلی نے ویڈیو کے ساتھ پیغام لکھتے ہوئے فردوس جمال کو لیجنڈ اور سپر سٹار قرار دیااور کہا کہ فردوس جمال نہ صرف بہترین اداکار ہیں بلکہ ہمارے ملک کا فخر ہیں۔ فردوس جمال کے ساتھ یہ گانا گاکر مجھے بہت مزہ آیا اللہ انہیں صحت اورزندگی دے اور انہیں اسی طرح ہمارے درمیان رکھے ،ہمیں فردوس صاحب سے بے حد محبت ہے، سوشل میڈیا صارفین کی جانب سے بھی فردوس جمال اور فضا علی کی ویڈیو کو بہت سراہا جارہا ہے