عمراسلم: وزیراعلی پنجاب شہبازشریف کا وہاڑی میں جلسہ متوقع، مسلم لیگ ن کے سینئر رہنما حمزہ شہبازشریف متحرک ہوگئے، صدر مسلم لیگ ن برطانیہ زبیر گل، ایم این اے میجر (ر) محمد طاہر سے علیحدہ علیحدہ ملاقاتیں کیں، جبکہ بورےوالامسلم لیگ ن کے عہدیداران سے بھی ملاقات کی۔

 تفصیلات کے مطابق مسلم لیگ (ن) کے رہنما حمزہ شہبازکی زیر صدارت ڈسٹرکٹ وہاڑی اور بورے والہ سے متعلق اہم اجلاس ہوا۔ اس موقع پر ان کاکہناتھا کہ مسلم لیگ ن نے ہمیشہ عوام کی خدمت کی جس کی مثال لاہور سمیت صوبہ بھر میں ترقیاتی کاموں کا جال ہے۔ جبکہ اجلاس میں مقامی تنظیم اور سیاسی عہدیداران کی کارکردگی، صحت و صفائی کی بنیادی سہولیات کی فراہمی، وہاڑی میں نامزد وزیراعظم محمد شہباز شریف کے جلد متوقع جلسے،اور الیکشن 2018 کی پارٹی مہم سمیت باہمی دلچسپی کے اہم امور زیر غور آئے۔

اجلاس میں صوبائی وزیر تعلیم رانا مشہود احمد خان، ایم این اے مہر اشتیاق احمد وائس چئیرمین واسا چودھری شہباز احمد ،لیگی رہنما احمد بٹ سمیت دیگرافراد لوگ بھی موجود تھے۔