(مانیٹرنگ ڈیسک) دلہن اور دلہا فوٹو شوٹ کیلئے کسی خوبصورت مقام کا انتخابات کرتے ہیں تاکہ شادی کے لمحات کو یادگار بنایا جاسکے۔
سوشل میڈیا پر ایک ویڈیو وائرل ہورہی جس میں دلہن کسی خوبصورت مقام پر جانے کی بجائے ورزش کرنے جم پہنچ گئی، ویڈیو میں دیکھا جاسکتا ہے کہ عروسی لباس پہنے سجی سنوری دلہن مختلف مشینوں پر جاکر ورزش کررہی ہیں جبکہ فوٹو گرافر تصاویربنانے میں مصروف ہے۔
دلہن کی یہ مذکورہ ویڈیو سوشل میڈیا پر تیزی سے وائرل ہورہی ہے، دلہن کے اس انوکھے فوٹو شوٹ پر سوشل میڈیا صارفین دلچسپ تبصرے کررہے ہیں۔ ایک صارف نے لکھا کہ دلہن کو کوئی اور جگہ نہیں ملی تھی جو شادی کے لباس میں ایکسرسائز کرنے جم پہنچ گئی۔
ایک اور صارف نے لکھا کہ ’دلہن ایکسرسائز کی شوقین ہوگی۔‘ ایک تیسرے صارف نے مزاحیہ انداز میں لکھا کہ ’شادی کے بعد سسرال والوں سے جھگڑنے کا ارادہ ہے کیا۔
کچھ روز قبل بھارت میں دلہن نے اپنی شادی کے دن کو یاد گار بنانے کیلئے دوستوں کیساتھ سٹیج پر گروپ ڈانس کیا جس کی ویڈیو سوشل میڈیا پر وائرل ہوئی تھی۔
View this post on Instagram
ویڈیو میں ایک دیسی دلہن کو ٹیشر کے مقبول گانے ’’جلیبی بے بی‘‘ پر اپنے گروپ کے ساتھ ڈانس کرتے دیکھا جا سکتا ہے، سیاہ رنگ کے لہنگے میں دلہن کے ڈانس نے سوشل میڈیا پر دھوم مچا دی۔