ویب ڈیسک : سی این جی سیکٹر کو گیس کی فراہمی میں روانی نہ آسکی۔ سوئی گیس حکام نے آج سے سی این جی اسٹیشنز کو ڈھائی ماہ کیلئے گیس بند کردی ۔

کراچی میں سی این جی اسٹیشنز کو تالے ڈل گئے، سی این جی اسٹیشنز ڈھائی ماہ کے لئے بند کردی گئی۔گیس اسٹیشنز کو گیس سپلائی آج صبح 8 بجے معطل کی گئی ۔سی این جی صارفین رکشہ ٹیکسی ڈرائیورز کا کہنا ہے کہ مہنگائی کا بوجھ پہلے ہی زیادہ تھا سی این جی کی طویل بندش سے روزگار کا حصول بھی ناممکن ہوجائے گا۔ سوئی گیس حکام کے مطابق گیس اسٹیشنز 15 فروری 2022 رات 10 بجے تک بند رہیں گے۔ گیس پریشر میں کمی کے سبب سی این جی اسٹیشنز کوگیس کی فراہمی بند کیا گیا ہے۔