عمران یونس:  شہر میں ہونے والی موسلادھار بارش کے سبب ہوم اکنامکس یونیورسٹی میں بی ایس آنرز اور ایم فل کیلئے ہونے والے داخلوں کے انٹری ٹیسٹ میں بیسٹر طالبات حصہ نہ لے سکیں۔ انتظامیہ جمعے روز ٹیسٹ کا دوبارہ انعقاد کرے گی۔

ہوم اکنامکس یونیورسٹی داخلوں کیلئے انٹری ٹیسٹ کا دوبارہ انعقاد کرائے گی۔ شہر میں تیز بارش کے باعث انٹری ٹیسٹ میں شرکت نہ کرنے والی طالبات کیلئے کل دوبارہ ٹیسٹ ہوگا۔ بی ایس آنرز اور ایم فل پروگرامز میں داخلوں کے لیے انٹری ٹیسٹ کل دوپہر 2 بجے دوبارہ ہوگا۔

 بی ایس آنرز اور ایم فل میں داخلوں کیلئے اپلائی کرنے والی طالبات کو کل 1 بجے یونیورسٹی رپورٹ کرنے کی ہدایات جاری کر دی ہیں۔ سپیشل انٹری ٹیسٹ صرف ان طالبات کیلئے ہے جنھوں رجسٹریشن کے باوجود آج ٹیسٹ نہیں دیا۔