ویب ڈیسک : وزیر اعلیٰ پنجاب مریم نواز کے ویژن کے مطابق ملک کاسب سے بڑا شریمپ فارم قائم کرنے کے پراجیکٹ کا آغاز اسی سال کرنے کا اصولی فیصلہ کیا گیا ہے، جس کے تحت پنجاب میں پہلی بارایک ہزار ایکڑ پر سو ٹن سے زائد شریمپ فارمنگ کی جائے گی، شریمپ فارمنگ کیلئے حکومت پنجاب سبسڈیز،اراضی اوردیگر ضروری سہولیات فراہم کرے گی۔
وزیراعلیٰ مریم نوازشریف کی ہدایت پر فشریز اورشریمپ فارمنگ کیلئے ریسرچ پراجیکٹ بھی شروع کرنے کا فیصلہ کیاگیا ہے، فشریز فارمز ایسوسی ایشنز نے شریمپ فارمنگ پراجیکٹ شروع کرنے کے فیصلے پر وزیر اعلیٰ پنجاب کو خراج تحسین پیش کیا ہے۔ وزیر اعلیٰ مریم نواز کی ہدایت پر سینئر منسٹر مریم اورنگزیب سے فشریز فارمز ایسوسی ایشنز کے وفدنے ملاقات کی،جس میں شریمپ فارمنگ کیلئے بھرپور تعاون کی یقین دہانی کرائی گئی۔ شریمپ فارمنگ کے لئے اشتراک کار کے فروغ پر اتفاق کیاگیا ۔
سینئر منسٹر مریم اورنگزیب نے کہاکہ وزیراعلیٰ مریم نواز کی ہدایت پر فشریز اورشریمپ فارمنگ کیلئے پرائیویٹ سیکٹر کی معاونت کی جائے گی۔ فشریز اورشریمپ فارمنگ کا فروغ تمام سٹیک ہولڈرزکے باہمی اشتراک سے ممکن ہوگا۔ انہوں نے کہاکہ فشریز اورشریمپ فارمنگ پنجاب کے فارمر کیلئے گیم چینجرپراجیکٹ ثابت ہوگا۔ وزیراعلیٰ مریم نواز نے کہاکہ فشریز اورشریمپ فارمنگ کا ویژن قابل تحسین ہے۔
فشریز فارمز ایسوسی ایشنز کے وفدنے اس موقع پر گفتگو کرتے ہوئے کہاکہ فشریز اورشریمپ فارمنگ کیلئے وزیر اعلیٰ مریم نواز کی کاوشیں ثمر آور ثابت ہوں گی۔
فشریز فارمز ایسوسی ایشنز کے وفد میں محسن رضا کھڈل،ملک اظہر مشتاق،چوہدری صلاح الدین،چوہدری محمد اشفاق اورڈاکٹر شہزاد نوید شامل تھے۔