شاہد سپرا:شہر کے مختلف علاقوں میں 11گھنٹے گزرنے کے باوجود بجلی بحال نہ ہو سکی۔ہنگامی حالات میں لیسکو کے افسران و ملازمین کی چھٹیاں منسوخ کر دی گئیں

سسٹم پر 120 سے زائد فیڈرز تاحال بند ہیں ۔  ٹرانسفارمرز جلنے سے بھی بجلی معطل ہے ۔ چیف ایگزیکٹو افسر لیسکو انجینئر شاہد حیدر نے مختلف گرڈ سٹیشنز کا اچانک دورہ بھی کیا ۔ 
لیسکو چیف نے گرڈ سٹیشنز پر متعلقہ افسران کو طلب کر لیا۔ لیسکو چیف نے مختلف گرڈ اسٹیشنز کے پینل روم اور یارڈ کو بھی چیک کیا۔

چیف ایگزیکٹوانجنیئر  شاہد حیدر کا کہنا تھا کہ صارفین کو بہتر سے بہترین سہولیات فراہم کی جائیں،لیسکو ریجن میں الرٹ جاری کر دیا گیا  ہے ۔ صارفین کو بلا تعطل بجلی فراہمی اولین ترجیح ہے