فاران یامین: نابینا شخص کی موٹر سائیکل چوری کا معاملہ،نیو انارکلی پولیس نے جدید ٹیکنالوجی اور سیف سٹی کیمروں سے مدد ملزم کو گرفتار کر کے موٹر سائیکل برآمد کر کے واپس کر دی۔
تفصیلات کےمطابق نابینا شخص اکرم نے ون فائیو پر کال کی کہ میری موٹر سائیکل چوری ہو گئی ہے میری مدد کی جائے ،ایس پی سٹی کی ہدایت پر شاہدرہ پولیس نے فوری مقدمہ درج کیا،نابینا شہری اپنی فیملی کے ہمراہ صحابہ کانفرنس سننے بیگم کوٹ گیا نامعلوم چور نے موٹر سائیکل چوری کر لی،نابینا شہری اکرم کی موٹر سائیکل کی تلاش کے لیے فوری اقدامات اپنائے گئےاور ٹیمیں تشکیل دی گئیں۔
نیو انارکلی پولیس نے جدید ٹیکنالوجی اور سیف سٹی کیمروں سے مدد ملزم کو گرفتار کر کے موٹر سائیکل برآمد کر لی،نابینا شہری کو 24 گھنٹوں میں موٹر سائیکل تلاش کر کے حوالے کی گئی۔
نابینا شہری نے بروقت مدد اور موٹر سائیکل واپس ملنے پر نیو انارکلی پولیس کا شکریہ ادا کیا،ایس پی سٹی کا کہنا تھا کہ شہریوں کے جان و مال کی حفاظت اور مدد کے لیے ہمہ وقت موجود ہیں۔