ویب ڈیسک: قومی ہاکی ٹیم ایشیئن چیمپئنز ٹرافی کھیلنے بھارت پہنچ گئی ۔ قومی ہاکی ٹیم پرسوں 3 اگست سے ملائیشیا کے خلاف مہم شروع کرے گی ۔
چنائے میں 3 اگست تا 12 اگست کھیلی جانے والی ایشیئن چیمپینز ٹرافی میں شرکت کیلئے پاکستان ہاکی ٹیم بھارت پہنچ گئی۔ قومی پلیئرز نے واہگہ بارڈر سےامرتسر س تل بذریعہ سڑک سفر کیا اور امرتسر سے بزریعہ ہوائی جہاز بنگلور کا سفر کیا۔
قومی کھلاڑی رات 9 بجے ایشیئن چیمپئنز ٹرافی کے میزبان شہر چنائے پہنچیں گے۔ پاکستان 3 اگست کو ملائشیا کے خلاف مہم کا آغاز کرے گا۔ اگلے ہی روز پاکستان کا کوریا سے مقابلہ ہو گا۔ 6 اگست کو جاپان اور پاکستان آمنے سامنے ہوں گے جبکہ 7 اگست کو پاکستانی ٹیم کا چین کی ٹیم سے آمنا سامنا ہو گا۔ پانچویں میچ میں 9 اگست کو روایتی حریف بھارت سے زور کا جوڑ پڑے گا۔ ایونٹ کا فائنل 12 اگست کو کھیلا جائے گا۔