ویب ڈیسک : اداکارہ ریشم نے کہا ہے کہ وہ گزشتہ دو سال سے سوشل میڈیا پر دیکھ رہی ہیں کہ ڈراما ساز خلیل الرحمٰن قمر مقبول اداکارہ ماہرہ خان کے پیچھے پڑے ہوئے ہیں۔

ریشم نے حال ہی میں اپنے ایک انٹر ویو  میں ڈراما ساز وسیم عباسی کے ہمراہ شرکت کی جہاں انہوں نے شوبز سمیت دیگر معاملات پر بات کی اور ایک سوال کا جواب دیتے ہوئے خلیل الرحمٰن قمر کو آڑے ہاتھوں لے لیا۔

ریشم نے مداح کی جانب سے پوچھے گئے سوال پر اعتراف کیا کہ خلیل الرحمٰن قمر بہت اچھے لکھاری ہیں اور ان جیسے لکھاری بہت کم ہیں لیکن ان کو لگتا ہے کہ کبھی کبھی وہ یہ بھول جاتے ہیں کے ان کے سامنے عورت ہے ۔ 

اداکارہ نے خلیل الرحمٰن قمر کے لیے دعائیں کرتے ہوئے کہا کہ لیکن جب وہ سوشل میڈیا دیکھتی ہیں تو انہیں ایسا لگتا ہے کہ ڈراما ساز ایک اداکارہ کے پیچھے پڑے ہوئے ہیں۔