(مانیٹرنگ ڈیسک) دلہن کی فوٹوشوٹ کے دوران دولہے کو پانی کے تالاب میں دھکا دینے کی ویڈیو سوشل میڈیا پر وائرل ہوگئی۔
شادی کے فوٹو شوٹ کے دوران اکثر اوقات ایسے واقعات ہوجاتے ہیں جن کے بارے میں انسان نے کبھی سوچا نہیں ہوتا، آج کل سوشل میڈیا پر دلہن اور دولہا کی ایک ویڈیو بہت تیزی سے وائرل ہورہی ہے، جس پر کچھ صارفین منفی اور کچھ مثبت کمنٹس کررہے ہیں۔
View this post on Instagram
سوشل میڈیا پر وائرل ویڈیو میں دیکھا جاسکتا ہے کہ خوبصورت شادی والا گاؤن پہنے دلہن اپنے دولہاکے ساتھ ایک تالاب پر بنے لکڑی کے پلیٹ فارم پر کھڑی ہے اور تھوڑی دور فوٹوگرافر ایک لڑکی کے ساتھ کھڑا ہوا ہے، نیا شادی شدہ جوڑا تصویروں کیلئے پوز دینے کی کوشش کررہاہے لیکن فوٹوگرافر کو ان کا پوز پسند نہیں آتا ہے ، اس لئے وہ خود دولہا اور دلہن کے پاس آکر انہیں ایک رومانٹک پوز بنانےکی ہدایت دیتا ہے، فوٹوگرافر دولہے کا ہاتھ پکڑ کر پوز بنانے لگتا ہے لیکن اسی وقت دلہن کا مستی کرنے کا موڈ ہوتا ہے اور وہ فوٹوگرافر اور اپنے دولہے کو پانی میں دھکا دے دیتی ہے اور پھر خود زور زور سے ہنسنے لگتی ہے ۔