حسن خالد: مصری شاہ کے علاقے میں نامعلوم افراد کی فائرنگ سے فلاحی تنظیم آل پاکستان یوتھ موومنٹ کے صدر زخمی ہوگئے،،پولیس نے مقدمہ درج کرلیا۔
ایف آئی ار کے مطابق آل پاکستام یوتھ موومنٹ کے صدر محمد انس اپنے دوست کے ہمراہ رات گئے آفس سے گھر کے لیے نکلے تو چمڑہ منڈی کے قریب موٹرسائیکل پر سوار 2 نامعلوم افراد نے فائرنگ کردی۔ فائرنگ سے محمد انس نامی شہری زخمی ہوگیا جسے قریبی ہسپتال منتقل کیا گیا۔ فائرنگ کے بعد ملزمان موقع سے فرار ہوگئے جبکہ پولیس نے زخمی شہری کی مدعیت میں مقدمہ درج کر کے کارروائی کا آغاز کردیا۔