(ویب ڈیسک)کورونا ویکسینیشن نہ لگوانے والوں پر بڑی پابندی عائد کر دی گئی ہے۔

تفصیلات کے مطابق اندرون ملک پروازوں میں 18 سال یا زیادہ عمر کے ایسے افراد جن کے پاس ویکسی نیشن سرٹیفکیٹ نہیں ہوگا وہ ہوائی جہاز میں سفر نہیں کرسکیں گے۔کورونا کے ویکسی نیشن سرٹیفکیٹ کے بغیر  اندرون ملک فضائی سفر  پر  آج سے پابندی عائدکر دی گئی ہے۔وفاقی وزیراسد عمر کے مطابق کم سے کم ایک ڈوز لگوانے والے مسافر ہی ہوائی جہاز  پر سفر کر سکتے ہیں عوام کو احتیاطی تدابیر پر عمل کرنا ہوگا۔

خیال رہے کہ پاکستان میں کورونا کی چوتھی لہر کے دوران اموات اور کیسز میں اضافے کا سلسلہ جاری ہے اور آج مزید 62 افراد وائرس سے انتقال کرگئے ہیں جب کہ مثبت کیسز کی شرح 9 فیصد کے قریب پہنچ گئی ہے۔

دوسری جانب سندھ حکومت نے کورونا کی بگڑتی ہوئی صورتحال کے پیش نظر صوبے بھر میں 31 جولائی سے 8 اگست تک جزوی لاک ڈاؤن نافذ کردیا ہے۔